முகமறியா 'நண்பனுக்கு'

எனது பயணங்கள் 
உங்கள் கால்களில் கொஞ்சம்
குடைச்சல் ஏற்படுத்தலாம்
என் தூரப்பார்வைகளில்
உங்கள் துருப்பிடித்த விழிகள்
இத்து இத்துக் கழண்டு விழலாம்..
முதுகெலும்பற்று புழுவாய் நெளியும்
உங்கள் உடல்களுக்காக
என் நடைகள் தளர்ச்சிபடாது
எரிந்து கொண்டிருக்கும்
உங்கள் பொறாமைத் தீ நாவுகளில்
என் நாக்கு சோர்ந்து மடியாது..
நடக்கத் தெரியா ஒருவனுக்காக
ஓடும்நான் நின்று பார்க்க முடியாது..
உங்கள் பாராட்டுகளிலோ..
உதட்டுநுனி வாழ்த்துகளிலோ..
வெம்மை மறைத்த கைக்குலுக்கல்களிலோ
என்னை நான் புதுப்பித்துக்கொள்வதில்லை
உங்கள் வெற்றுப்புன்னகைகளுக்காக
என் தூவல்களை
நான் மறைக்கத் தேவையில்லை..
உன் நாசிச்சூடு
என் மூக்கின்நுனி தொடும்வரை...

நீ நிழலாகவே இருந்துவிடு..!!
#முனியாண்டி_ராஜ்.