அவன் மட்டும்....

உதிர்ந்துவிழும் ஒவ்வொரு சொல்லிலும்
தெறித்துவிழும் ஒவ்வொரு துளியிலும்
தேடித்தேடிப் பார்த்தேன்
மனிதம் மறுத்த எதுவுமே
மதமாகத் தோன்றவில்லை எனக்கு
துப்பாக்கிகளின் முனைகளில்
நெஞ்சங்கள் துளைத்தும்
வாள்களின் கூர்மையில்
உயிர்பதம் பார்த்தும்...
ஏவுகணை ஏவலில்
அங்கங்கள் பிய்த்தும்...
சமயங்களைத் தேடிக்கொண்டிருக்கிறார்கள்
சமயம் பார்த்துப் பேசத் தெரிந்தவன்
கூவிக்கூவி அழைக்கிறான் கடவுள்களை
இறைதள கட்டடங்களில் ஏதாவது
ஒன்றை உயர்த்திக் காட்டிப் பிடிக்கும் போட்டிகளில்
இன்னும் சிக்காமலேயே
நழுவிப்போகின்றான் அவன் மட்டும்
கைகள் இறுக்கிப் பிடித்துக்
கேட்கும் மகளிடம் எப்படிச் சொல்வேன்
அவன் நழுவலை!!

#முனியாண்டி_ராஜ்.