வெள்ளை_என்பது_நிறமல்ல...

#வெள்ளை_என்பது_நிறமல்ல...

===•••===•••===•••===•••
திமிறிக்கொண்டு வெளியேறும்
வெளிச்சக்கீற்றுகளில்
இருளின் குரல்வளை நெறிக்கப்படுவதாய்தான்
நீங்கள் கருதிக் கொண்டிருக்கிறீர்கள்
உண்மைகள் கழுத்தறுப்படும்
கொலைகளங்களின் முகங்களும் முகமன்களும்
உங்கள் விழிகள் அறியாமலேயே
நகர்த்தப்படுகின்றன
சர்க்கரை தடவிய உதடுகளிலும்
அமுதம் தோய்த்த முனைகளும்
போதும்
பொய்களின் சுவைகளில்
உங்கள் நா மரிப்பதற்கு..
வெளிச்சங்களில் உங்களை அறிவதற்குமுன்
இருளில் தொலைந்து வாருங்கள்
வெள்ளை எனபது நிறமல்ல..
அது வண்ணக்கலவைகளின் கூட்டு..
கண்ணறியா கறுப்பும்
அதில் சங்கமித்திருக்கலாம்

வெள்ளைகள் துப்பிய உலகில்
மீண்டும்
நுழைய முற்படுகிறேன்...
வெளிச்சக் கீற்றுகளில்
கரும்நுழைகள் பிடித்தவாறே!

#முனியாண்டி_ராஜ்.