உடையாத_நீர்க்குமிழி

#உடையாத_நீர்க்குமிழி

ஒரு போராட்டத்தின் மிச்சம்
இன்னுமிருக்கிறது
விழுதுகளில் விஷங்களிட்டும்
வேர்களின் ஆழங்கள்
இதயங்களில் ஆழ்ந்து பரவியிருக்கிறது
முறித்து வீசப்பட்ட கிளைகள்
மக்கி மண்ணாகி விட்டதாக
நீங்கள் எண்ணியிருக்கலாம்..
எருவாக வேர்களில் இறங்கியிருப்பது
உங்களுக்குப் புரியாமலேயே இருக்கட்டும்
பொங்கிவரும் நீர்க்குமிழிகளை
அமிழ்த்தும் முறித்தும்
நீங்கள் சிதைத்து விடலாம்
அவதானியுங்கள்
தேங்கும் நீரிலும் ஓடும் நிலையிலும்
உதித்துக் கொண்டே வரும் நீர்க்குமிழிகளை!

#முனியாண்டி_ராஜ்.

#கங்கா_புத்திரன்_நினைவு_பரிசுப்போட்டி