ஓர் அழிவின் முடிவு

உள்ளுக்குள் எரிந்து கொண்டிருக்கும்
ஓர் எரிமலை
அவர்களுக்குத் தெரிந்திருக்க நியாயமில்லை
மௌனங்களுக்குள் நான் சிறைபட்டிருப்பதாய்
பேசிக் கொண்டார்கள்
எனது ஒவ்வொரு பின்வாங்கலுக்கும்
கோழையெனச் சிட்டை ஒட்டித்
தங்களுக்குள் சிரித்துக் கொண்டார்கள்
அவர்களின் அகராதியில்
நீரற்றத் தாவரமாகவே
என்னைப் புரட்டிப் புரட்டிப் படித்தார்கள்
ஈரமான விறகு எப்படி எரியுமென
எகத்தாளமாய் சிரித்தார்கள்
வாளற்ற வீரனை ஈட்டியால் செருகியே
வீரத்தை வார்த்தைகளால் பொறித்தார்கள்
ஆழிப் பேரலைகள் அடங்கியிருப்பது
ஓர் ஆழிக்குள்தான் எனத் தெரியும்போது
அவர்களுக்கான பயணம்
தூரங்கள் பல கடந்திருக்கலாம்