நான் வீழ்த்தப்பட்டதாக
நீ எண்ணிக் கொண்டிருக்கலாம்....
உன் விவாதக் கணைகளில்
நான் காயப்பட்டு விட்டதாக
நீ நம்பிக் கொண்டிருக்கலாம் ....
உன் இதழின் ஓரமாக வழிந்த
ஒரு கேலிப்புன்னகையை
நான் காணாமல் போயிருப்பதாக
உன்னை
நீயே ஏமாற்றுக் கொண்டிருக்கலாம்
எதிர்பார்த்த உன் வினாக்களிலும்
நான் எதிர்பாரா விடைகளிலும்
உன் மனம் காயப்படுவதை
நானும் விரும்பவில்லை...
வளர்ந்து செழித்த செடியில்
வார்த்தை விஷங்கள்
வேர்களில் இறங்கி ஊடுருவதை
நான் வெறுத்தே வருகிறேன்..
கேலிப்புன்னகைகளுக்கும்
நக்கல் வார்த்தைகளுக்கும்
நான் எப்போதுமே
குடை சாய்வதில்லை.....
மனம் கீறிய வார்த்தைகளை விடவும்
அறிவைத் தாக்கிய அம்புகளை விடவும்
விருட்சமாய் விரிந்த
.... நட்பே...
எனக்குப் பெரிது!
*முனியாண்டி ராஜ்.*
No comments:
Post a Comment