மீண்டும் நீ நிழலாய்

அப்படியொன்றும் 
பேசப்பட வேண்டிய விடயமல்ல இது
விடியலில் எழுந்து
மாலையில் மயங்கும் ஒரு
சூரிய வாழ்க்கை போல்தான்...
இளம்வெப்பம்
வெம்மை
இதமான வெப்பம்
என்ற பல பரிணாமங்களில்தான்..
பல ஆண்டுகளுக்குப் பின்
அவளைச் சந்திப்பதாய்
இருக்கலாமெனவும் இருக்கலாம்..
இளம்வெப்பமாய் நெஞ்சில் இதமேற்றி
வெம்மையாய் விலகியவள்
மீண்டும் ஓர் இதமான வெப்பத்தோடு
உடலளவில் மட்டும்...
உள்ளத்தைக் கொஞ்சமாகத்தான்
அசைக்க முடிகிறது எனலாம்தான்!

வருடங்கள் கரைத்த
அவள் உருவங்கிளினாலா..
அங்கொன்றும் இங்கொன்றுமாய் வெண்கம்பிகள் சிதைத்த சிரசித்தினாலா
மடிப்புகளில் வதனம் குறைந்த
கன்னங்களினாலா....
ஏதோ ஒன்றில்
அப்படி ஒன்றும் பேசப்பட வேண்டியதல்ல
அவள் வரவு உங்களுக்கு..

எனக்கல்ல!

#முனியாண்டி_ராஜ்.